Usa ka gabii niana, namisita si Poldo ni Bada. Medyo naglain ang tiyan ni Poldo tungod sa iyang gipanihapon nga kamote. Unya samtang nagdaguok ang tiyan ni Poldo ...
POLDO: BADZ, kanus-a man tawon nimo dawaton akong gugma? (Ug sa hilom mipabuhagay siya sa iyang hilom nga utot).
BADA: (Naguba ang nawong tungod sa kabaho) (Misinghag sa iyang iro) Blackie pahawa!
POLDO: (Mapasalamaton kay nasalbar sa iro...mipadayon) BADZ, abi nimo di na ko makatug ug tarong. Ikaw lang pirmi ang naa sa akong huna-huna. (ug wa na pod niya mapugngi, sa hilom mipagawas siya ug hinay-hinay sa iyang utot.)
BADA: (Misiga ang mata nga nagtan-aw sa iro ug misinghag na usab) Kabaho! Blackie pahawa ra gud!
POLDO: (Pwerte gyud tawong pasalamat sa hilom.) BADZ, gihigugma ko lagi ikaw (midaguok na sab iyang tiyan busa mainampingon siyang mipabulhot na usab sa utot nga hilom).
BADA: (Wa na gyud maka-agwanta, mibarug ug gisipa ang iro nga si Blackie nga naghigda sa ilawom sa bangko.) Blackie pahawa lagi diha! Basin makalibangan unya ka!
Subscribe to:
Post Comments (Atom)
No comments:
Post a Comment