Saturday, February 10, 2007

KAHIBAWO NA?

Samtang naglakaw si Canuto sa Colon kuyog iyang pangasaw-onon, sa wa lang damha nakit-an siya sa iyang karaang uyab. Milingiw unta siya apan...

BIDAT: Uy, Canuts, musta?

CANUTO: (Molikay unta apan, nahawiran sa iyang ex-gf). Awww, koan diay ila-ila mo. Si BIDAY, akong pangasaw-onon.

BIDAT: Pangasaw-onon? Unya kahibawo na siya...

(Wa pa gani katubag si Canuto mipadayon na si BIDAT)

BIDAT: Nga adtong otso anyos na-diagnose ka nga duna kay allergic rhinitis, gani miburot ang imong sip-on atubangan sa akong Papa...

(Canuto miduko apan niyango)

BIDAT: Nga human nato ug graduate sa high school na-diagnose ka nga duna kay overactive bladder, gani naka-ihi ka atubangan sa atong silingang doktor.

(Bidat mipadayon)

BIDAT: Nga sa dihang nagtrabaho na ka, na-diagnose na pod ka nga asthmatic ka, gani gitabang man ka kay naglisud ka ug ginhawa atubangan sa inyong company surgeon.

BIDAT: Nga duha ka semana human ta magsabot nga mag-minyo na ta, na-diagnose na pod ka nga hypertensive ka, gani ni-collapse man ka sa dihang mibisita ta sa health clinic.

(Misagbat ang pangasaw-onon ni Canuto kay wa na maka-antos)

BIDAY: Kahibawo na man ko ana tanan, mao nga mas nagkinahanglan siya sa akong pag-atiman ug mas pa nako siyang gimahal.

BIDAT: Aw, mao ba? Pero kahibawo ba ka nga niadto tanang panahona, kon di pa lang unta siya talawan, NATULI na unta siya!

BIDAY: (Misinta ang tingog) Ay nganong wa man ka magpahibawo nako, ikaw'ng PISOTA ka!

No comments: