BALIGYA

VENDOR1: Suki, palit na kamo sa akong baligya nga banig. Pulo ka tawo maarang gihapon. Barato ra.

Tuod man dunay nipalit, apan mibalik pagka-ugma.

SUKI: Ingon ka pulo ka tawo maarang. Maglugos man gani ang duha ka tawo.

VENDOR1: Ingon ba diay ko nga maghigda? Kon magbarog ra, suki.

****************************************************************

VENDOR2: Suki, palit na kamo sa ako baligya nga mga plato ug baso. Imported gikan Tsina. Barato ra. LIG-ON kaayo, dili dali mabuak!

(Daghang mga tawo ang miduol, nagtinukmoray, duso diri, duso didto)

VENDOR2: Oy, oy... hinay-hinay lang mo kay mangabuak unya!

*****************************************************************

VENDOR3: O mga suki, palit na kamo sa akong baligya nga relo. Mahalon nga klase. Magpili lang kamo, GUESS, SWISS ARMY, SEIKO...naa pa daghan nga kapilian. Barato ra, dali na kamo.

(Pagkasunod semana mibalik ang usa sa mga nakapalit)

SUKI: Unsa gud ning imong relo? Wa may pulos. Di man mohatag sa insakto nga oras. Usahay paspas iyang tuyok. Usahay hinay pod kaayo.

VENDOR3: Bi kuno, atong tan-awon.

(Gitunol sa nakapalit ang relo)

VENDOR3: Suki, ingon ana gyud na siya. Imong tag-anon ang oras. Naa, o, kita ka tatak, GUESS!